सांगली/तासगाव : संस्थामाता सुशिलादेवी साळुंखे महिला शिक्षणशास्त्र महाविद्यालय, तासगाव अंतर्गत आंतरवासिता शाळा श्री सिद्धनाथ हायस्कूल, आरवडे येथे विद्यार्थ्यांसाठी एन.एम.एम.एस. व शिष्यवृत्ती परीक्षा मार्गदर्शन व्याख्यानाचे आयोजन करण्यात आले होते. विद्यार्थ्यांमधून व्याख्यानास उत्स्फूर्त प्रतिसाद मिळाला.
कार्यक्रमाचे प्रमुख मार्गदर्शक ज्ञानेश्वर पाटील यांनी परीक्षेची रचना, प्रश्नपत्रिकेतील घटक, अभ्यास पद्धती, वेळेचे नियोजन तसेच यशस्वी होण्यासाठी आवश्यक टिप्स याविषयी सविस्तर मार्गदर्शन केले. विद्यार्थ्यांनी उत्स्फूर्त सहभाग नोंदवून आपले प्रश्न विचारले व त्यांचे निरसन करून घेतले.
या कार्यक्रमाचे अध्यक्षस्थान शाळेचे मुख्याध्यापक श्री एम. बी.पाटील यांनी भूषविले.या मार्गदर्शनामुळे विद्यार्थ्यांचा आत्मविश्वास वाढला असून परीक्षेत अधिकाधिक यश संपादन करण्यास निश्चितच मदत होईल, असे प्रतिपादित केले.
रिपोर्ट अतुल काळे
